عدد الرسائل : 615 الموقع : عند الحاسب.. العمل/الترفيه : مديرة بمنتدى >> كبر راسي هع المزاج : ابلع تاريخ التسجيل : 15/04/2008
موضوع: يوميات حنان وعلي .. روووعــــة الأحد يونيو 01, 2008 9:15 am
السلام عليكم ورحمة الله وبركاته
شخبااركم وشمسوين؟
أني ألفت قصة حب من عندي وطبعاً هذي أول مرة اسوي قصة
وأتمنى انكم تقرونها وتكونون مواصلين معاي في الرد
علشان اكمل بقية الأجزاء
نــــــــــــــــبدأ القصــــــــــة،،،
((الجزء الأول))
عائلة حجي عباس"بيت الجد والجدة" حجي عباس رجال كبير في السن وعمره 80 سنة زوجته مكيه عمرها 61 سنه حسن ولدهم جميل وعمره 25 سنه ومتزوج وزوجته اسمها علياء وعمرها 20 سنه وعايشين حياة سعيدة وحسن هو الولد الوحيد وعندهم بعد بنت اسمها منى متزوجه
عائلة منصور ((يصيرون بي تجيران حجي عباس)) منصور رجّال متزوّج لكن زوجته متوفية "الله يرحمها" وعنده ثلاث أولاد وتوأم بنات وبنت منصور عنده ولد اسمه علي وهالولد ولد حبوب وجميل ووسيم وعمره 21 سنة والولد الثاني اسمه جاسم عمره 13 سنة ولد فضولي جداً ويحب يتدخّل في أشياء ما تخصّه والولد الثالث اسمه حسين وعمره 8 سنوات وهذا الولد الأصغر بينهم ودلوع وحبوب اللي هو آخر العنقود التوائم البنات أسمائهم حوراء،زهراء وعمرهم 5 سنوات ووحدة من خواتهم اسمها حنان وهي بنت جميلة في غاية الروعة وبيضاء وشعرها أشقر وحرير وعيونها زرقاء وهي جامعية عمرها 19 سنة وهي تسوق
عائلة مصطفي مصطفى رجال متزوج عمره 30 سنة وزوجته اسمها منى عمرها 25 سنة وعندهم ولدين وبنت الولد الأول اسمه علي حلو وكشخة عمره 22 سنة والولد الثاني اسمه محمد وهو حلو لكن شيطون عمره 7سنوات والبنت الوحيدة اللي عندهم اسمها بدور عمرها 18 سنة وهي جامعية
بيت الجد والجدة :
حجي عباس:مكية ويش استوى الغدا لو بعده؟ مكية:اي استوى انتظر شوي حجي عباس:ولاويش بعد انا انتظر انا جوعان حدي وانتين اتقولين ليي انتظر؟ مكية:اي له اليوم حسن ومرته بيجون البيت بيتغدون ويانا حجي عباس:انزين أمرنا على الله منحارس روحي اتصلي ليهم شوفي متى بيجون مكية:إنزين هداني بتصل مكية راحت تتصل لولدها... مكية:ألوو حسن حسن:هلا اماه مكية:ها ويش متى بتجون أكو ابوكم ميت من الجوع يالله حسن:أكو الحين طالعين من البيت خله ينتظر شوي عشر دقايق واحنه في البيت مكية:انزين لا تتأخرون لا يعصّب أبوكم حسن:إنزين ماعليه مكية:يالله مامع السلامة حسن:الله يسلمش حجي عباس:ويش قالوا متى بيجون؟ مكية:الحين عقب عشر دقايق بيجون حجي عباس:أها زين عجل حسن وزوجته علياء جوا البيت مكية:حيا الله ولدي ومرت ولدي حسن وعلياء:الله يحييش حسن:شحوالك أبويي حجي عباس:زين حياك الله انت شخبارك؟شخبار الشقة الجديدة؟ حسن:انا تمام الحمدلله والشقة اوكي امشية الحال علياء:شحوالك عمي؟انشاءالله زين؟ حجي عباس:حياش الله مكية راحت تنجب الغدا وراحت وياها علياء تساعدها ... وعباس وولده قاعدين يطالعون التلفزيون في الصالة علياء ومكية نجبوا الغدا واتغدوا اي وكان غداهم مجبوس دجاج علياء:تسلم ايدش عمتي على هالطبخة مكية:ويداش حجي عباس:ويه ماورا علينا نتغدى الجميع:هه وعقب أكلوا الفواكه وشربوا البيبسي وناموا والساعة اربع العصر قعدوا حسن:علياء
الرئيسية 
البوابة 
أحدث الصور 
التسجيل 
دخول 
الأحد يونيو 01, 2008 9:15 am
